من احب الاعمال الي الله / فضل صلاة قيام الليل

فضل صلاة قيام الليل 

كتبت : داليا عبد الخالق حسين محمد 

نتكلم شويه علي #قيام الليل ❤️ 

1 _الشيخ محمد حسين يعقوب بيقول :

القيام ! مستحيل ربنا يرزق القيام لمسلم غير لما يكون بيحبه ❤

2_ ربنا ينزل للسماء الدنيا عشان بس يسمعك ، يغفرلك ، يعطيك ، يرزقك ، بيبقى مستنى منك يسمع كلمه يارب عشان يقولك لبيك ياعبدي ..

بيسمعك رغم لغبطك ، بكائك ، ذنوبك ، بيحبك اوي والله ونفسه يفرحك بس هو مستني 

منك كلمة ياااارب مستني منك رفعه يد وصدق طلب وركعتين في جوف الليل ❤

3_كل ما أقرأ ايه وَالَّذِينَ يَبِيتُونَ لِرَبِّهِمْ سُجَّدًا وَقِيَامًا 

ابتسم واقول يعني اللي بيصلي القيام من عباد الرحمن يارب ؟ اللي هما أعلى منزلة يوم القيامة ❤

4 مرة سمعت الشيخ محمد حسين يعقوب بيقول :

" الحاجه الوحيده اللي ببقي عاجز عن التعبير عن جمالها هي قيام الليل ، تعبان ؟ روح قوله تعبان وهو يشفيك والله ، مخنوق ؟ صلي قيام الليل وهو هيريح قلبك والله ، يابني دا واحد راح الكعبة عاجز عن الحركة تماماً ولادُة خدوة هناك وقالهم سيبوني مع ربنا لوحدنا وقاله يارب والله ما هتحرك من هنا غير على رجلي  وصلي قيام الليل ونام حلم ان حد بيقوله قوم اتحرك انت بقيت تقدر تمشي .. قام من النوم مفزوع لاقي نفسه قادر يتحرك ... دا القيام دا الفانوس السحري بتاع المسلم ❤

5 أجمل وأطهر ربع ولا نص ساعة ، هو " سبحانه " مش بيقولنا تعالوا صلوا عشان عاوزكم لا دا بيقولنا تعالوا اشوف انتو عاوزين ايه ؟ نفسك في ايه ؟ محتاجين ايه ؟ ♥️

"مستنين ايه تاني بالله عليكم..يلا قومى اتوضى وصلى

دا قيام الليل شرف المؤمن 

طريقة صلاة قيام الليل : 

اقلهم ركعتين و أكثرهم ثلاث عشر ركعة

فعَنْ زَيْدِ بْنِ خَالِدٍ الْجُهَنِيِّ - رضي الله عنه - قَالَ: (صَلَّى رَسُولُ اللهِ صلى الله عليه وسلم رَكْعَتَيْنِ خَفِيفَتَيْنِ، ثُمَّ صَلَّى رَكْعَتَيْنِ طَوِيلَتَيْنِ طَوِيلَتَيْنِ طَوِيلَتَيْنِ، ثُمَّ صَلَّى رَكْعَتَيْنِ وَهُمَا دُونَ اللَّتَيْنِ قَبْلَهُمَا، ثُمَّ صَلَّى رَكْعَتَيْنِ وَهُمَا دُونَ اللَّتَيْنِ قَبْلَهُمَا، ثُمَّ صَلَّى رَكْعَتَيْنِ وَهُمَا دُونَ اللَّتَيْنِ قَبْلَهُمَا، ثُمَّ صَلَّى رَكْعَتَيْنِ هُمَا دُونَ اللَّتَيْنِ قَبْلَهُمَا، ثُمَّ أَوْتَرَ، فَذَلِكَ ثَلَاثَ عَشْرَةَ رَكْعَةً).

فضل قيام الليل :

 عدّد العُلماءُ بضعة َأمورٍ حثّت على قيام اللّيل وجعلت له أفضليّةً خاصّة، منها: عناية النبيّ - عليه الصّلاة والسّلام - بقيام اللّيل حتى تفطّرت قدماه، فقد كان يجتهدُ في القيام اجتهاداً عظيماً.

•  قيامُ اللّيل من أعظم أسبابِ دخول الجنّة. 

• قيامُ اللّيل من أسباب رَفع الدّرجات في الجنّة. 

• المحافظونَ على قيام اللّيل مُحسنونَ مُستحقّون لرحمة الله وجنّته، فقد مدح الله أهل قيام اللّيل، وعدَّهم في جملة عباده الأبرار.

•  قيامُ اللّيل مُكفِّرٌ للسّيئاتِ ومنهاةٌ للآثام.

•  قيامُ اللّيل أفضل الصَّلاة بعد الفريضة. شرفُ المؤمن قيام اللّيل. 

• قيامُ اللّيل يُغْبَطُ عليه صاحبه لعظيم ثوابه، فهو خير من الدّنيا وما فيها.