عيد ميلاد-جدتي

عيد ميلاد جدتي 

بقلم: داليا عبد الخالق حسين محمد

          انهارده عيد ميلاد اهم شخص في حياتي من الناس المهمين ليها تأثير كبير عليا في كل حاجة طاقة ايجابية كبيرة و  الدعم و الحب و فرحة من القلب و الدعاء لا ينتهي و كل حاجة حلوة في الدنيا حقيقي هي بردو بنتي و صحبتي يمكن الوحيده البعرف اتكلم معاها و انا مرتاحة و عارفه انها حتفضل جنبي و معايا و دايماً انا هي شبه بعض في حاجات كتير و بنفهم بعض دايماً من غير ما نتكلم بس للاسف هي مش معايا دلوقتي كان نفسي تكون موجودة معايا و نحتفل به زي كل سنه بس لله الامر من قبل و من بعد. 

         ربنا اراد انك تسبيني و تمشي من شهور بس انا حاسة اني ما شوفتكيش بقالي سنين كتير بنسي و ببقي عايزة اكلمك و برجع في اخر لحظة افتكر انك مش موجودة بس لأ انا عارفه انك موجوده معايا وحاسه بيا و يارب تبقي في مكان احسن بكتير من هنا ، انا حقيقي مش عارفه اقول ايه و لا ايه اكيد مش كل حاجة حقدر اوصفها كلامي عنك حيبقي قليل اوي انتي بيريئة اوي روحك روح طفله جميلة ، طيبة القلب ، دموعها قريبة ( زيي ) من اجمل الناس اي حد يعرفها مستحيل يقدر يخسرها ، بحبك اوي اوي اوي و اتمني تكوني فعلاً معايا و حاسة بيا و شايفني حقيقي كل حاجة من غيرك وحشة اوي حتي  الاماكن اكن انتي كل حاجة حلوة في المكان و في الحياة عموماً .

        شكراً علي كل حاجة عملتيها عشاني ، شكراً انك كنتي دايما شغالة نفسك اذا كانت كل حاجة زي ما انا عايزة و اني جبت الحاجة البحبها و لا لأ ، في وقت انتي كنتي في تعبانه جداً .....

        مكانك في قلبي زي ما هو كلهم شايفين انك جدتي فعادي ما دايماً الكبير البيموت الاول بس للاسف محدش يعرف انك الحياة بالنسبالي درجة تعلقي بيكي كبيرة اوي اوي اوي بعدك تعبني جسدياً و نفسياً انا مش بحب ادم دايماً حتفضل مكانتك في قلبي كبيرة و عمرها ما حتتغير حتفضلي دايماً فرحتي باي حاجة نقصاكي بس انا عارفه انك ان شاء الله حتبقي موجودة و فرحانه معايا بس انا مش شيفاكي ..

        زي انهاردة كل سنة كنت بجيبلك و بنحتفل بعيد ميلادك مع بعض انهارده يمكن دايماً كنت بشوف ان عيد ميلادك يوم ٣١/١٠ عشان يبقي يوم مميز ليكي ، ان شاء الله يكون عيد ميلادك في الجنة احلي من اي عيد ميلاد يارب تكوني شوفتي كل الناس البتحبيهم و اولهم مامتك انا عارفة انتي كنتي بتحبيها اد ايه ..

        و في النهاية شكراً لكم علي حسن القراءة و اتمني منكم ان تقراؤه لجدتي الغالية الفاتحة و تدعو لها دعوة من القلب تسعدها اليوم ... 

اللهم اجعل جدتي سيدة من سيدات اهل الجنة 

اللهم اغفر لها و ارحمها و عافها و اعفو عنها و اكرم منزلها و احسن مثواها

اللهم تقبل منها القليل و تجاوز عنها التقصير 

اللهم اجعل مرضها كفارة لجميع دنوبها و اجعل اخر عذبها عذاب الدنيا

اللهم انك قولت في كتابك الكريم " و لمن خاف مقام ربه جنتان" و هي كانت تخاف مقامك يا الله فارزقها جنتان 

اللهم لاتحرمها لذة النظر الي وجهك الكريم

اللهم ارزقها شربه هنيئا مريئا من يد سيدنا محمد لا تظمأ بعدها ابداً

اللهم اعطها من كل الخير التي تتمناه 

اللهم اعطها سؤلها

اللهم اني اشهدك بانها لم تحرمني شيئاً من الدنيا فلا تحرمها شيء من جنات النعيم 

اللهم اجبل بخاطرها جبراً عظيماً يليقك بعظمتك جبراً يتعجب. له اهل السموات و الارض 

اللهم اني اسالك لهم النعيم المقيم الذي لا يحول و لا يزول

اللهم ارزقها الفردوس الاعلي من غير حساب و لا سابقة عذاب

اللهم اجعل السندس لابسها 

اللهم انسها في وحداتها و انسها في وحشتها و انسها في غربتها فانك خير انيس

اللهم ادخلها الجنة يداً بيد مع حبيبك و مصطفاك سيدنا محمد عليه الصلاة و السلام يا حبيبي يا رسول الله يا شفيعنا يا رسول الله ❤️
 ربنا يجعل كل حاجة حلوة عملتيها لي و او لاي حد في ميزان حسانتك يارب  يا اجمل حد في الدنيا دي

اللهم اني استودعتك جدتي يا الله انت اعلم بحالها الان اللهم اعطها كل ما تتمناه و آمن روعها و احفظها من بين يدها و من خلفها و عن يمنها و عن شمالها يا ارحم الراحمين يارب العالمين .